"Melissa Park" yaşayış kompleksinin tikintisini həyata keçirən Azərbaycanın ən böyük tikinti şirkətlərindən biri olan Melissa Group tikinti şirkəti üçün hər zaman ən böyük prioritetlərdən biri və hətta birincisi tikintinin keyfiyyəti olmuşdur" - Şirkətin tanıtım video-rolikində belə deyilir. Şirkətin feysbuk səhifəsində təklif olunan mənzillərdə yaşayış sahəsinin kvadrat-metrinin qiyməti barədə verilən sualları isə səhifənin admini cavablandırmaqdan yayınır, bu barədə məlumat almaqdan ötrü şirkətin satış ofisinə yaxınlaşmağı məsləhət görür. Amma gəlin görək, qiyməti deyil, keyfiyyəti prioritet sayan bu şirkətdə işçilərin əmək hüquqları necə qorunur, əmək qanunvericiliyinin tələblərinə necə riayət olunur?
Masallı rayonunun Ərkivan qəsəbəsində qeydiyyatda olan Alışanov Şöhrət Çoban oğlu redaksiyamız aərizə ilə müraciət edərək, bildirmişdir ki, 2014-cü ilin avqust ayından sözügedən şirkətə işə qəbul olunmuşdur. 2015-ci ilin oktyabr ayınadək iş icraçısı Bayram müəllimin rəhbərliyi altında çalışmış, əmək haqqını vaxtlı-vaxtında və tam həcmdə almış, heç bir narazılığı olmamışdır. Sonra inşaatçı kadrlar arasında yerdəyişmə olmuş, iş icraçıları Vasif, Rasim, Ramiz adlı şəxslərlə işləməli olmuşdur. Alışanov malyar işinə keçirilərək, hər kvadrat-metrə görə ona işəmuzd 3(üç) manat zəhmət haqqı alacağı vəd edilmişdir. Lakin sonradan onun məvacibindən hər kv-metrə görə 1(bir) manat kəsilərək saxlanılmış, divar üzlüyünün çəkilməsi başa çatandan sonra pulunun qalığının da ödəniləcəyi deyilibmiş. Buna baxmayaraq, üç mənzilin malyar işini təhvil versə də, pulunu verməmişlər. Ona deyilib ki, "sən işi bizə təhvil verməmisən, biz işi başqa briqadanı işlədərək təhvil almışıq".
Onunla bağlanmış əmək müqaviləsinin də saxta olduğundan şübhələnən Alışanov yazır ki, 2016-cı ilin yanvar ayından bu yana əmək haqqını ala bilməmiş, ödəniləcəyi ümidi ilə şəhərdə 5-6 ay işsiz qalaraq 540 (beş yüz qırx) manat kirayə pulu ödəmişdir. Şikayətçi ona dəymiş maddi və mənəvi ziyanın ödənilməsi üçün mübarizə aparmaqda israrlıdır və bu işdə KİV-in dəstəyinə arxalanır.
Korrupsiya və Qanun
Korrupsiya və Qanun
Azərbaycanda orta aylıq maaş artdı
Azərbaycanda orta aylıq əmək haqqı artıb
Mingəçevirdə əmək yarmarkası keçiriləcək AAA
“Böhran Akif Çovdarovun istixana kompleksini də “vurdu”
