Bakının 8-ci kilometr bazarında leş ətlərin satışının əks olunduğu video görüntülərlə bağlı Dövlət Baytarlıq Xidməti növbbəti dəfə açıqlama verib.
DBX-nın mətbuat mərkəzinin rəhbəri Yolçu Xanvəli Unikal.org-a bu barədə bildirib ki, sözü gedən məlumat yayıldıqdan sonara rəhbərliyin göstərişi ilə dərhal yoxlama aparılıb və nəticələri də məlumdur:
“Sözü gedən ətlər tələb olunan qaydalara uyğun avtomobillə daşınmayıb. Heyvan ətləri Nərimanov rayonundan (Montində) kəsim məntəqəsindən gətirilib. Hamısı baytarlıq laboratoriyasından keçmiş iri və xırda buynuzlu heyvan ətləri olub. Ətin tərkibində insan sağlamlığına zərər verə biləcək maddələr aşkarlanmayıb. Buna görə də, sözü gedən ətlərin satışına da icazə verilib”.
Baytarlıq rəsmisi vurğulayıb ki, kəsilmiş ətlərin daşınması üçün xüsusi avtomobillər olmalıdır:
“Təəssüf ki, ətlər sanitar qaydalara uyğun olmayan avtomobillə bazara gətirilib. Bazar rəhbərliyinə və satışı həyata keçirən sahibkara belə bir halın təkrarlanmaması ilə bağlı xüsusi xəbərdarlıq edilib”.
Dövlət Xidmətindən brusellyoz xəstəliyi ilə əlaqədar – TƏKZİB
Meşədə qanunsuz at kəsimi aşkarlandı - 150 kq
Bakı dönərxanalarına göndərilən at əti - FOTO
Yevlaxda yanğın baş verib, 6 baş heyvan tələf olub
Nazir 9 rəisi işdən çıxardı, 4-nə töhmət verdi
