Bakının mərkəzində bu universitet üçün korpus tikilir – 3 MİN TƏLƏBƏ TƏHSİL ALACAQ

Azərbaycan Dövlət İqtisad Universiteti (UNEC)yeni tədris korpusunun tikintisi ilə əlaqədar tender elan edib.
Korrupsiya-q.az Muxalifet.az a istinadla xəbər verir ki, Yasamal rayonu, M.Muxtarov 194 ünvanında Azərbaycan Dövlət İqtisad Universitetinin yeni tədris binasının tikintisi işləri ilə bağlı artıq tender elan edilib. Tenderin nəticəsi gələn ayın sonunda elan ediləcək və tikinti işlərinə başlanılacaq. Artıq həmin ünvanda yerləşən köhnə (90 il əvvəl tikilmiş) tikili tamamilə sökülüb.
Qeyd edək ki, Murtuza Muxtarov küçəsi 194 ünvanında UNEC-in 2 korpusu mövcuddur və yeni tikilən orpus 3 saylı olacaq. Sahəsi 2940 m2 olan 4 mərtəbəli, müasir standartlara cavab verən yeni tədris binası 3 min tələbənin təhsil alması üçün tədris laboratoriyaları, geniş auditoriyalar, linqafon kabinetləri, idman zalı və s. ilə təchiz olunacaq.