Onun köməyə ehtiyacı var

Verdiyev Fərmayıl Əliqulu oğlu təcili olaraq ayağından əməliyyat olunmalıdır.
"Korrupsiya və Qanun" qəzeti“ Qafqazinfo”ya müraciət edən 1987-ci il təvəllüdlü F. Verdiyev bildirib ki, əməliyyatı üçün Azərbaycanda 6 min, Tehranda isə 3-4 min pul tələb olunur: “Mənə 2013-cü ildə Tehranda böyrək köçürülüb. Daha sonra qəbul etdiyim dərmanların əks təsirindən sağ bud sümüyümün oynaq başında çürümə halı baş verib. Getdikcə ayağımda qısalma gedir və əməliyyat olunmadığım təqdirdə şikəst qala bilərəm”.
F. Verdiyevin sözlərinə görə, ilk əməliyyatı üçün evlərini satıblar, hazırki əməliyyat üçün isə əllərində pul yoxdur: “Özüm birinci qrup əliləm və sadəcə pensiya ilə ailəmi saxlayıram. Atam da ikinci qrup əlildir. 6 aydır bu xəstəlikdən əziyyət çəkirəm və şikəst qalmamağım üçün 3-4 minə ehtiyac var. Qızımın 1 yaşı 2 gün sonra tamam olacaq, hər bir ata kimi mən də onun üçün gözəl gələcək qurmaq, onu yaxşı yaşatmaq istəyirəm. Bunun üçün hələ gec deyil. İmkanlı şəxslərdən artıq dərəcədə rica edirəm ki, səsimə səs versinlər”.
Fərmayıl Verdiyevə kömək etmək istəyənlər üçün əlaqə nömrələri: (055) 402 94 52 (012) 568 70 39