Türkiyə rus pilotuna belə xəbərdarlıq etdi – SƏS YAZISI

“Təcili olaraq istiqamətinizi dəyişin!”.
Türkiyə Rusiyaya məxsus “Su-24” tipli hərbi təyyarəyə vurulmadan öncə edilən xəbərdarlığın səs yazısını yayıb.
"Korrupsiya və Qanun" saytının alığı məlumata görə Oxu.Az xəbər verir ki, rəsmi Ankara hadisədən sonra yaydığı bəyanatda Rusiya qırıcısına dəfələrlə xəbərdarlıq olunduğunu, buna baxmayaraq “Su-24” təyyarəsinin Türkiyə hava sərhəddini pozmağa cəhd etdiyini bildirib.
Yerli FOX telekanalının əsas xəbər buraxılışında türk pilotun rus həmkarına etdiyi xəbərdarlığın audioyazısı yayımlanıb.
Səs yazısında türk pilotun 5 dəqiqə ərzində 10 dəfə rus pilotuna ingilis dilində, “Türk hava sərhədlərinə yaxınlaşırsınız. Təcili olaraq istiqamətinizi dəyişin!” - deyə xəbərdarlıq etsə də rus təyyarəsi buna məhəl qoymayıb.
Xatırladaq ki, ötən gün Türkiyə hərbi aviasiyasına aid F-16 qırıcıları bu ölkənin Suriya ilə sərhəddində Rusiya hərbi aviasiyasına aid “Su-24” qırıcısını vurub.