Bu il azərbaycanlıların Türkiyədən aldığı mənzillərin sayı açıqlandı

Türkiyə Statistika Komitəsi məlumat yaydı.
Cari ilin noyabr ayında azərbaycanlılar Türkiyədən 88 ədəd mənzil alıb.
"Korrupsiya və Qanun" saytı Oxu.Az a istinadən xəbər verir ki, bu barədə Türkiyə Statistika Komitəsinin yanvar-noyabr ayları üzrə açıqladığı məlumatında deyilib.
Komitədən qeyd edilib ki, cari ilin 11 ayında Azərbaycanlıların Türkiyədən aldığı mənzillərin sayı 733 ədəd olub.
Qeyd edək ki, cari ilin təkcə avqust ayında həmvətənlərimiz qonşu ölkədən 54 ədəd, sentyabrda 56, oktyabrda isə 77 ədəd mənzil alıb.
Noyabrda İraq vətəndaşları Türkiyədən 495 ədəd, Səudiyyə Ərəbistan 226, Küveyt 193, Rusiya 136, Əfqanıstan vətəndaşları isə 98 mənzil alıb.