Pakistanın şimalında yerləşən yoxlama məntəqəsinə silahlı basqın zamanı azı 26 nəfər həyatını itirib. Ölənlərdən 11-i polis əməkdaşı, 15-i isə yaraqlıdır.
Hadisə iyulun 29-da sərhədyanı Xayber-Paxtunxva əyalətinin Hangu bölgəsində qeydə alınıb. Rayon polis idarəsinin rəisi Tariq Həbib "Geo News" kanalına açıqlamasında daha 22 hüquq-mühafizə orqanı əməkdaşının xəsarət aldığını vurğulayıb. Hələlik heç bir silahlı qruplaşma bu hücuma görə məsuliyyəti öz üzərinə götürməyib.
Agentliyinin məlumatına görə, bu, son günlər ərzində bölgədə baş vermiş ikinci irimiqyaslı silahlı hücumdur. Ötən həftənin cümə günü yaraqlılar partlayıcı maddələrlə doldurulmuş avtomobili Tank rayonunda yerləşən postlardan birinə çırpıblar. Həmin vaxt baş vermiş insidentdə 15 nəfər dünyasını dəyişib, 12 hücumçu isə zərərsizləşdirilib.
Bildirilir ki, "Təhrik-i-Taliban Pakistan" qruplaşmasının fəaliyyəti səbəbindən Xayber-Paxtunxva əyalətində vəziyyət gərgin olaraq qalmaqdadır. Rəsmi İslamabad terror hücumlarının artmasını Əfqanıstan ərazisindən gələn yaraqlıların fəaliyyəti ilə əlaqələndirsə də, Kabil bu iddiaları qəti şəkildə təkzib edir.
Restorana silahlı hücum oldu - ölən və yaralananlar var
Somalidə silahlı dəstə otelə hücum edib
Tovuzda yanacaq məntəqəsinə silahlı basqın
Ermənistanda kütləvi həbslər: 200 nəfər saxlanıldı
Cəlilabadda silahlı basqın olub
