Ermənistan Rusiyadan kömək istədi

Ermənistan 4 gündür ki, davam edən meşə yanğınları ilə əlaqədar kömək üçün Rusiyaya müraciət edib.

Musavat.com bununla əlaqədar erməni mediasına istinadən xəbər verir. Məlumata görə, İrəvan Xosrov meşəsi adlanın qoruqda yanğının qarşısını almaqda aciz qaldığından Moskvadan yardım istəyib. Məsələ ilə əlaqədar Ermənistanın fövqəladə hallar hallar naziri David Tonoyan rusiyalı həmkarı Vladimir Puçkova rəsmi müraciət ünvanlayıb. O, fəlakətli vəziyyətin qarşısının alınması üçün yanğınsönrüən təyyarənin ayrılmasını xahiş edib. Məlumatda deyilir ki, hazırda təyyarənin Ermənistana göndərilməsi məsələsinə baxılır.

Göründüyü kimi, Ermənistan hətta meşə yanğınlarının qarşısını ala bilməyəcək dərəcədə zəif ölkədir və bu məsələdə də “ağa”sının yardımına ehtiyac duyur. Artıq yanğınlar 500 hektardan artıq ərazini bürüyüb.