İranda Ukraynaya məxsus sərnişin təyyarəsi qəzaya uğradı - 176 nəfər həlak olub... - YENİLƏNİB - VİDEO - FOTO

İranın İmam Xomeyni aeroportu yaxınlığında qəzaya uğrayan təyyarənin bütün sərnişinləri həlak olub.

Korupsiya-q.az Trend-ə istinadən bildirir ki, bunu İranın Qırmızı Aypara Cəmiyyətinin Yardım və Xilasetmə Təşkilatının sədri Murtaza Səlimi IRINN-ə verdiyi açıqlamada deyib.
M.Səliminin sözlərinə görə, sərnişinlərin meyitləri toplanmaqdadır.
Qeyd edək ki, Ukraynaya məxsus "Boeing 737" sərnişin təyyarəsi İranın İmam Xomeyni aeroportu yaxınlığında qəzaya uğrayıb. Təyyarənin göyərtəsində 167 sərnişin, 9 ekipaj üzvü olub.
Bildirilir ki, qəzaya səbəb texniki nasazlıq olub. Təyyarə havaya qalxdıqdan bir qədər sonra qəzaya uğrayıb.

----------
07:49

Ukraynaya məxsus sərnişin təyyarəsi İranın İmam Xomeyni adına beynəlxalq hava limanı yaxınlığında qəzaya uğrayıb.

Korupsiya-q.az-ın "RİA Novosti"yə istinadən verdiyi məlumata görə, qəzanı hava limanının rəhbəri təsdiq edib. Təyyarənin göyərtəsində 180 sərnişin olub.

Bildirilir ki, qəzaya səbəb texniki nasazlıq olub. Təyyarə havaya qaldıqdan bir qədər sonra qəzaya uğrayıb.