Ölkəyə qanunsuz protez diş keçirmək istəyən şəxs tutuldu - FOTO

Ölkəyə 3626 ədəd protez diş keçirmək istəyən Azərbaycan vətəndaşı saxlanılıb.
Bu barədə Oxu.Az-a Dövlət Gömrük Komitəsindən məlumat verilib.
Məlumata görə, Komitənin Baş Gömrük İdarəsinin “Qırmızı Körpü” gömrük postunda Gürcüstandan idarə etdiyi “Mercedes-Benz 200” markalı nəqliyyat vasitəsilə ölkəmizə gələn Azərbaycan vətəndaşı saxlanılıb və şifahi sorğu-sual olunub.
Sorğu-sual zamanı vətəndaş idarə etdiyi nəqliyyat vasitəsində gömrük nəzarətindən gizlədilən və bəyan edilməyən hər hansı predmetin olmadığını bildirib.
Lakin yoxlama zamanı onun idarə etdiyi avtomobilin arxa oturacağının altında gömrük nəzarətindən gizlədilən 3626 ədəd protez diş, 260 ədəd stomatoloji ləvazimat aşkar olunub.
Faktla bağlı araşdırma aparılır.