Tərtər rayonu ərazisində yerləşən bir neçə ümumi təhsil müəssisəsinin inzibati binalarının, həyətyanı sahələrinin, sinif otaqlarının təyinatı üzrə istifadə edilmədiyi barədə daxil olmuş məlumatlarla əlaqədar Təhsil Nazirliyi tərəfindən yerində yoxlama aparılıb.
Təhsil Nazirliyinin yaydığı məlumata görə, araşdırma zamanı rayonun Azadqaraqoyunlu, Əskipara, Hacıqərvənd, Qapanlı və Bəyimsarov kənd məktəblərində qeyd olunan nöqsanlar öz təsdiqini tapıb.
Qeyd olunanları nəzərə alaraq, əmək funksiyalarını keyfiyyətsiz yerinə yetirdiyinə və əmək müqaviləsi ilə müəyyənləşdirilmiş vəzifələrin icrasına səhlənkar yanaşdığına görə Tərtər Rayon Təhsil Şöbəsinin müdiri Yaşar Məhərrəmova və müvafiq məktəblərin rəhbərlərinə töhmət verilib.
Həmçinin qeyd olunan halların qarşısının alınması məqsədilə aidiyyəti üzrə digər ümumi təhsil müəssisələrində də maarifləndirmə işinin aparılması tapşırılıb.
Azərbaycanda məktəblərdə nöqsanlar aşkarlandı, şöbə müdirinə töhmət verildi - RƏSMİ
Azərbaycanda koronavirusa görə orta məktəblərlə bağlı qərar verildi - FOTO
Məktəb direktorunun işdən çıxarılması ilə bağlı rəsmi AÇIQLAMA
Bakıda 18 məktəb direktoru işdən çıxarılıb – TAM SİYAHI
Ödənişli təhsil alan tələbələrə ŞAD XƏBƏR - Nazir göstəriş verdi
