COVID-19 pandemiyasının yayılmasının qarşısını almaq məqsədilə bütün dünyada tədbirlər davam etdirilir. Tədbirlər çərçivəsində Türkiyənin bir sıra şəhərlərində tibbi maskalardan açıq havada da istifadənin məcburi olmasına qərar verilib. Məlum olduğu kimi, Azərbaycanda qapalı məkanlarda tibbi maskalardan istifadə məcburidir. Son günlər koronavirusa yoluxanların sayının artmasını nəzərə alaraq, ölkəmizdə də açıq havada tibbi maskadan istifadənin məcburi olmasına ehtiyac varmı?
Məsələ ilə bağlı e-huquq.az-a açıqlamasında baş infeksionist, Nazirlər Kabineti yanında Operativ Qərargahın üzvü Cəlal İsayev deyib ki, bu barədə qərarın verilməsi üçün mövcud vəziyyətlə bağlı məlumatlar təhlil olunmalıdır: "Bu haqda heç nə deyə bilmərəm. Hazırkı vəziyyətlə bağlı məlumatlar üzərində işlənilməlidir. Bu iş Nazirlər Kabineti yanında Operativ Qərargah tərəfindən aparılmalıdır".
Qeyd edək ki, ötən gün Azərbaycanda daha 329 nəfərdə koronavirus aşkarlanıb, 127 nəfər sağalıb, 7 nəfər isə ölüb.
Bununla da indiyədək ölkəmizdə koronavirusa yoluxanların sayı 10 991 nəfərə, sağalanların sayı 6 075 nəfərə, ölənlərin sayı isə 133 nəfərə çatıb.
Nazirlər Kabinetindən COVID-19-a görə toy və yaslarla bağlı TÖVSİYƏ
Azərbaycanda toy və yas mərasimlərinə nə vaxt icazə veriləcək? - Operativ Qərargahdan AÇIQLAMA
Novruzla bağlı kütləvi tədbirlər ləğv edildi
Həftə içi sərt karantin rejimi tətbiq edilə bilərmi? - AÇIQLAMA
Bu gecədən aradan götürülən qadağalar — SİYAHI
