Azərbaycan İdeyası

Deputatın tikinti şirkəti məhkəmə qərarını heçə sayaraq, işləyən dükanı sökməkdədir

Tarix:1-02-2024, 18:25
Baxış Sayı:107

Hələ beş il bundan əvvəl Prezident Administrasiyası sənədlərlə və vətəndaşların müraciətləri ilə iş şöbəsinin müdiri Süleyman İsmayılov AzərTAC Dövlət Agentliyində dərc edilən "Prezident İlham Əliyevin vətəndaş müraciətlərinə münasibəti bütün məmurlara örnəkdir" sərlövhəli məqalədə bildirmişdi ki, vətəndaşlar çoxmərtəbəli yaşayış binalarının inşasında müvafiq norma və qaydalara, həmçinin müqavilə şərtlərinə riayət edilməməsindən şikayətçidirlər. Həm də müraciətlərdə bəzi şirkətlərin mənzilləri iki və daha artıq şəxsə satmasından, razılığa gəlinmədən, kompensasiyalar verilmədən söküntü işlərinə başlanılmasından, binaların təhlükə törədəcək dərəcədə yaxın məsafədə tikilməsindən yazılır.
S. İsmayılov məqalədə müraciət edənlərin şikayətçi olduqları şirkətlərin adlarını da göstərmişdi. Barəsində daha çox şikayət edilən tikinti şirkətlərinin siyahısında "Poleks" MTK da vardı. Ancaq sonrakı müşahidələr göstərdi ki, adları çəkilən şirkətlərin çoxu, o cümlədən “Poleks” MTK qanunsuzluqlara rəvac verməkdə davam etdilər. Elə 2019-cu ilin fevralında Qarabağ əlilləri şikayətləndikləri məmurların fotolarını boyunlarından asıb etiraz edtdilər. Onlar döyüş yoldaşları olan Məhəmmədəli Hacıyevə dəstək üçün onun paytaxtın Xətai prospektində sökülən obyektinin önünə toplaşdılar. Onların etiraz etdikləri məmurlar kimlər idi? - Məhəmməd Hacıyevin obyektini sökən “Poleks” şirkətinin şərikli sahibləri hesab etdikləri “un kralı” kimi tanınan biznesmen - deputat Əsabil Qasımov və Nərimanov rayon İcra Hakimiyyəti başçısının müavini Şahmar İbadov!
“Tikilməkdə olan bu binanın yerində 232 kvadrat metr yerimiz olub. Cənab prezidentimizin də verdiyi fərman belədir ki, kiminsə yerini uçurarsan, əlindən alarsansa, 20 faiz də əlavə ödəməlisən. 278 kvadrat yer edir. Bizə 40-50 kvadratmetr üçün pul təklif elədilər. Razılaşmadıq. Səhər gəldik ki, dükanımızı yerlə yeksan ediblər. İçindən seyf, nisyə dəftəri, inşaat mallarını yox elədilər” – Məhəmmədəli Hacıyev demişdi. Hadisədən sonra Məhəmmədəli Hacıyev və şərikli işlədiyi Tahir Bayramov polisə, məhkəməyə müraciət etmişdi. Söküntüdən əvvəl Nərimanov Rayon Məhkəməsi ərazidə iş görməyi tikinti şirkəti “Poleks” MMC-yə qadağan etsə də, sonrakı olanlarla bağlı yekun qərar verilməmişdi. Qazi özünü və avtomobilini yandırmağa cəhd edərək, adı çəkilən məmurların əraziyə gəlməsini tələb edirdi. Az sonra hadisə yerinə gələn icra başçısının müavini Şahmar İbadov ona qarşı səsləndirilən ittihamları rədd etmişdi. “Poleks” MMC-nin qanuni təmsilçisi Şahin Qasımov (Əsabil Qasımovun qardaşı oğlu) isə şikayətçinin mülkiyyətini sökmək istəmədiklərini, guya yük maşınının toxunması nəticəsində dağıldığını, hətta bunu təsdiqləyən istintaq materialı da olduğunu demişdi. M.Hacıyev də tutarlı arqument ortaya qoymuşdu: “Qəza olmuşdusa, saxlayardınız, gəlib uçulan obyektimizə baxaydıq. İçindən əşyalarımızı götürəydik”. Şirkət iddiaçılara tikiləcək olan binadan mənzil təklif edirdi. Şikayətçilər isə deyirdilər ki, onların mənzilə yox, işləyib çörək pullarını çıxaracaq obyektə ehtiyacları var: “Şahmar İbadov mənə deyir ki, sənə 18-ci mərtəbədən bir ev verəcəm, dənizə panorama ilə baxacaqsan. Mən neynirəm panoramı? Mənim uşaqlarım acdır”.
Bu günlərdə isə “Poleks” MTK Xətai prospekti – 29 ünvandakı “Zambaiti Paratti” oboy dükanı yerləşən binanı xüsusi texnika vasitəsilə sökməkdədir. Şəxsi mülkiyyət olan dükanın sahibi “Korrupsiya və Qanun” qəzeti redaksiyasına müraciət edərək bildirib ki, MTK ilə şərtləri müzakirə edəndə ortaq məxrəcə gəlmədiklərinə görə, işləri məhkəməyə düşüb. Məhkəmə dükan sahibinin xeyirinə qərar çıxarıb. Buna baxmayaraq, şirkət söküntüyə davam etməkdədir. Hətta gərginlik o həddə çatıb ki, dükanın əməkdaşları işdə ola-ola, tikinti şirkətinin texnikası binanın divarını deşib və insanların həyatını belə təhlükə altına qoyub.

Xuraman Quliyeva
[xfgiven_embed] [/xfgiven_embed] [xfgiven_youtube][/xfgiven_youtube]

OXŞAR XƏBƏRLƏR
Allah Rəhmət Eləsin!
Allah Rəhmət Eləsin!
TƏBRİK EDİRİK!
TƏBRİK EDİRİK!
Bakıda “Ətçilər” kimi tanınan ərazidə yerləşən kafelər və mağazalar sökülür
Bakıda “Ətçilər” kimi tanınan ərazidə yerləşən kafelər və mağazalar sökülür
Fuad Rzayev Prezident İlham Əliyevi inamlı qələbə qazanması münasibətilə təbrik edib.
Fuad Rzayev Prezident İlham Əliyevi inamlı qələbə qazanması münasibətilə təbrik edib.
Vəkillər Kollegiyası: “Səkkiz vəkilin hərəkətlərində pozuntu aşkarlanıb”
Vəkillər Kollegiyası: “Səkkiz vəkilin hərəkətlərində pozuntu aşkarlanıb”
Şabranda silah-sursat tapılıb
Şabranda silah-sursat tapılıb
Lənkəran sakinləri Yardımlıda külli miqdarda narkotiklə TUTULDULAR - FOTO
Lənkəran sakinləri Yardımlıda külli miqdarda narkotiklə TUTULDULAR - FOTO
Xəzər dənizində zəlzələ olub
Xəzər dənizində zəlzələ olub