Azərbaycan İdeyası

Məşhur xəstəxanada BİABIRÇILIQ: Bir xəstənin yataq dəstində digəri də yatızdırılır

Tarix:20-06-2024, 11:31
Baxış Sayı:103

Məşhur xəstəxanada BİABIRÇILIQ: Bir xəstənin yataq dəstində digəri də yatızdırılır

"Lənkəran Müalicə və Diaqnostika Mərkəzində acınacaqlı vəziyyət hökm sürür. Xəstəxananın birinci mərtəbəsində su kranları sınıb, su yoxdur, ayaqyolu bərbad vəziyyətdədir".

Bunu korrupsiya-q.az-a Cəlilabad rayon sakini Lalə Qasımova (ad-soyad şərtidir - red.) deyib.

O, iyunun 8-də doğuş üçün xəstəxanaya yerləşdirildiyini və iyunun 17-nə kimi mərkəzdə dəhşətli mənzərənin şahidi olduğunu bildirib:

"Yerləşdirildiyim palatada anti-sanitar vəziyyət hökm sürürdü. Məni palataya qəbul edəndə yataq dəstlərini belə dəyişmədilər. Məcbur qalıb çirkli, məndən əvvəlki pasiyentin yatdığı yatağa gödəkcəmi sərib uzandım. Pəncərələrin qarşısında qarışqalar gəzirdi. Hətta qarışqalar körpəmə də daraşırdılar. Bununla bağlı etdiyim müraciətlərə isə məhəl qoyan yox idi".

Şikayətçi bildirib ki, mərkəzdə hamam işləmədiyi üçün xəstələr yayın istisində əziyyət çəkirlər:

"Xəstəxanada hamam işləmir. Təsəvvür edin, artıq vəziyyət o yerə çatdı ki, Lənkərandan Cəlilabada evimizə gəlib yuyundum və bir gün sonra xəstəxanaya qayıtdım. Mərkəzin personalı da çox diqqətsizdir, xəstə ilə maraqlanmaq istəmirlər. Yalnız ayın 16-da bir yaxınımın xəstəxanaya zəng vurub şikayət etməsində sonra əl-ayağa düşdülər. Ondan sonra mənə dedilər ki, "niyə şikayət edibsən?". Həmin gün palatanı təmizlədilər, yataq dəstimi dəyişdilər və mənə diqqət göstərməyə başladılar".

Məsələ ilə bağlı Lənkəran Mərkəzi Xəstəxanasının ictimaiyyətlə əlaqə şöbəsindən bildirilib ki, mərkəzdə həqiqətən də hamam problemi var:

"Bunu hələ ki, həll etmək mümkün olmayıb. Qurban bayramına görə işçilər xəstəxanada azlıq təşkil edir. Ona görə palatada müəyyən təmizlik işlərinə ehtiyac yaranıb. Amma bütün bunlar dərhal aradan qaldırılacaq və xəstələrə lazım olan bütün xidmətlər göstəriləcək". [xfgiven_embed] [/xfgiven_embed] [xfgiven_youtube][/xfgiven_youtube]

OXŞAR XƏBƏRLƏR
Abonentdən bir ünvanda istehlak etdiyi energiyə görə ikinci elektrik sayğacı tələb olunur.
Abonentdən bir ünvanda istehlak etdiyi energiyə görə ikinci elektrik sayğacı tələb olunur.
Ağdamın məhsuldar qüvvələri işğaldan azad edilmiş doğma rayona qayıdacaqları günləri səbirsizliklə gözləyirlər.
Ağdamın məhsuldar qüvvələri işğaldan azad edilmiş doğma rayona qayıdacaqları günləri səbirsizliklə gözləyirlər.
Baş prokurorluq təhsil dələduzlarının işini mediadan gizli araşdırır.
Baş prokurorluq təhsil dələduzlarının işini mediadan gizli araşdırır.
Avtobusda xəsarət alan şəhid bacısının şikayətinə baxan yoxdur.
Avtobusda xəsarət alan şəhid bacısının şikayətinə baxan yoxdur.
Qardaş ata mülkünü satdı, bacısını evdən qovdu.
Qardaş ata mülkünü satdı, bacısını evdən qovdu.
İlham Əliyev Azərbaycanı işğaldan azad edən tarixi liderimizdir.
İlham Əliyev Azərbaycanı işğaldan azad edən tarixi liderimizdir.
ƏKSÜ-SƏDA: BƏLKƏ İNANIM?!
ƏKSÜ-SƏDA: BƏLKƏ İNANIM?!
1.ƏKSÜ-SƏDA: BƏLKƏ İNANIM?!
1.ƏKSÜ-SƏDA: BƏLKƏ İNANIM?!