Azərbaycan İdeyası

Nikahlarla bağlı YENİLİK

Tarix:25-11-2024, 11:29
Baxış Sayı:105



İnnovasiya və Rəqəmsal İnkişaf Agentliyinin təqdim etdiyi “mygov” rəqəmsal hökumət platforması vətəndaşlara daha bir xidmət təqdim edir.

Artıq vətəndaşlar “mygov” tətbiqi vasitəsilə nikahlarını rəqəmsal formada qeydiyyata ala bilərlər.

Qeyd edək ki, bu xidmətin “mygov” platformasına inteqrasiyası İRİA və Azərbaycan Respublikası Ədliyyə Nazirliyinin birgə əməkdaşlığı ilə baş tutub.

Bu prosesə başlamaq üçün nikaha daxil olacaq vətəndaşların əvvəlcə tibbi müayinədən keçmələri zəruridir. Müayinədən 14 gün sonra qan analizi nəticələri avtomatik olaraq “mygov” platformasına yüklənir və istifadəçilər nikah qeydiyyatına müraciət etməyə başlamaq barədə bildiriş alırlar. Bildiriş aldıqdan sonra, nikaha daxil olmaq istəyən vətəndaşlar “mygov” tətbiqində aşağıdakı sadə addımları izləyərək nikahlarını qeydiyyata ala bilərlər:

“mygov” tətbiqinə daxil olun və “Həyat hadisələri” bölməsində yer alan “Ailə qurmaq” seçiminə tıklayaraq və ya “Xidmətlər” bölməsindən “Nikahın qeydiyyata alınması” xidmətini seçərək prosesə başlayın.
Sistem hər iki tərəfin tibbi arayışlarını yoxladıqdan sonra FİN və təsdiq kodları ilə qeydiyyat ekranı açılacaq.
Tərəflərdən biri digərinə FİN və təsdiq kodunu göndərərək nikah qeydiyyatı üçün müraciətini davam etdirir.
Nikah sonrası götürüləcək soyadı və şəhadətnamə təhvilalma mərkəzini seçin, məlumatlarınızı təsdiqləyin.
30 gün sonra xidmətin statusunun dəyişməsi ilə bağlı vətəndaşa bildiriş gəlir. Status “Tamamlanıb” olaraq göründüyü zaman, 10 AZN məbləğində dövlət rüsumunu ödəyin.
Şəhadətnaməniz hazır olduqda, seçdiyiniz təhvilalma mərkəzindən onu əldə edə bilərsiniz.
Nikah haqqında şəhadətnaməni fiziki olaraq aldıqdan sonra, vətəndaşlar rəqəmsal formada da “mygov” tətbiqində “Ailə məlumatlarım” hissəsində bu sənədi əldə edə biləcəklər.
Bu yenilik sayəsində vətəndaşlar artıq nikah qeydiyyatını evdən çıxmadan, rahatlıqla və vaxt itirmədən həyata keçirə bilərlər.

Xatırladaq ki, Azərbaycan Respublikası Prezidentinin 16 iyul tarixli Fərmanına əsasən vətəndaşların tələb olunan nikah haqqında şəhadətnamə məlumatlarını “mygov” platforması üzərindən təqdim etməsi onun fiziki daşıyıcısını təqdim etməsi ilə bərabər tutulur.

OXŞAR XƏBƏRLƏR
Çempionlar Liqası: "Qarabağ"dan TARİXİ QƏLƏBƏ - YENİLƏNİB
Çempionlar Liqası: "Qarabağ"dan TARİXİ QƏLƏBƏ - YENİLƏNİB
Payızdan qabaq mövsümü xəstəlikləri gəldi
Payızdan qabaq mövsümü xəstəlikləri gəldi
Baş Prokuror yanında Korrupsiyaya qarşı Mübarizə İdarəsi Şirvanda yoxlamalar APARIR
Baş Prokuror yanında Korrupsiyaya qarşı Mübarizə İdarəsi Şirvanda yoxlamalar APARIR
Müqəddəs adların verildiyi kafe-restoranlar: Qanunvericiliyə müəyyən dəyişiklik edilə bilər
Müqəddəs adların verildiyi kafe-restoranlar: Qanunvericiliyə müəyyən dəyişiklik edilə bilər
Köç karvanı Badaraya çatdı - YENİLƏNİB
Köç karvanı Badaraya çatdı - YENİLƏNİB
Metroda inqilabi dəyişiklik – 1 stansiya gedən sərnişin görün nə qədər ödəyəcək
Metroda inqilabi dəyişiklik – 1 stansiya gedən sərnişin görün nə qədər ödəyəcək
Saatlı rayonunda 2024-cü ildə informasiya və rabitə haqqında
Saatlı rayonunda 2024-cü ildə informasiya və rabitə haqqında
Saatlı rayonunda 2024-cü ilin sonuna mənzil fondu haqqında
Saatlı rayonunda 2024-cü ilin sonuna mənzil fondu haqqında