Tramp Parisdə Zelenski qarşısında hansı tələbi qoyub?

ABŞ-ın yeni seçilmiş prezidenti Donald Tramp Parisdə Ukrayna lideri Volodimir Zelenski və Fransa prezidenti Emmanuel Makronla görüşündə deyib ki, Ukraynada dərhal atəşkəs əldə olunmalıdır.

Bu barədə “Reuters” yazıb.

“35 dəqiqə söhbət edən hər üç lider sülhə dair konkret təfərrüatları müzakirə etməyiblər, lakin Tramp dərhal atəşkəs və müharibəni tez bir zamanda dayandırmaq üçün danışıqların vacibliyini vurğulayıb”, - nəşr bildirib.

Reuters yazır ki, nə Tramp, nə də Ukrayna məsələləri ilə yaxından tanış olan rəsmilər münaqişənin həllini tam olaraq necə təsəvvür etdikləri barədə açıq danışmayıblar.