Azərbaycanda bank kartlarından oğurluq hadisələri bir sıra məsələləri gündəmə gətirib. Xüsusilə son dələduzluq hadisələrindən bəlli olub ki, əksər vətəndaşlar kartlarında külli miqdarda pul saxlayırlar. Nəticədə, kimisi 5-6 min manat, kimisi 10-15 min manatlıq itkiyə məruz qalır.
Bank kartlarında çox pul saxlamaq düzgündürmü? Bunun hansısa iqtisadi fəsadları ola bilərmi?
"Korrupsiya-q.az"-a danışan iqtisadçı Pərviz Heydərov deyib ki, vətəndaşların bank kartlarında hansı məbləğdə vəsait saxlamaqları öz istəklərindən asılıdır:
“Yəni belə bir qayda yoxdur ki, vətəndaş əməkhaqqı yaxud pensiya, digər sosial müavinət kartında filan rəqəmdən yuxarı məbləğdə vəsait saxlayarsa, bu, onun oğurlanması üçün zəmanət yaradır. Ümumiyyətlə, normal bank xidməti olan yerdə bunlar olmamalıdır. Əgər vətəndaşın kartından pul oğurlanırsa, bu, həmin kartda vəsaitin çox və ya az olmasından irəli gəlmir. Həmin kartın təhlükəsiz xarakter daşımasından qaynaqlanır. Buna cavabdeh olan tərəf isə kart üzrə xidmət göstərən müvafiq instansiyalardır”.
Perviz Heydərov.
İqtisadçı bildirib ki, şəxs ehtiyatsızlıq ucbatından kartın məlumatlarını kənar şəxslərə verir və nəticədə belə hadisələr yaşanır:
“Son vaxtlar qeydə alınan statistikaya əsasən, bu qədər oğurluq hadisələrinin baş verməsi normal deyil. Bu, təkcə vətəndaşların ehtiyatsızlığına görə olmur. Burada bilavasitə bankların məsuliyyətsizliyinin də rolu var. Hətta hesab edirəm ki, hər gün kartlardan külli miqdarda vəsaitlərin oğurlanmasında, müəyyən bankların əməkdaşları da iştirak edir”.
Sumqayıtda vətəndaşların bank kartlarından oğurluq edən qadın saxlanılıb
"Unibank" kartlarında problem: Pul silinir, ödəniş gerçəkləşmir
Azərbaycanda xarici vətəndaşlara qanunsuz pensiya ödənildiyi üzə çıxıb
Azərbaycanda bank işçisi iş yerindən külli miqdarda pul mənimsəyib “Xalq Bank” ASC-nin 46 min manat pulu mənimsənilib.
Bank kartlarınız təhlükədə
