Bank kartlarınız təhlükədə

"Korrupsiya və Qanun" qəzeti "Xəzəzr Xəbər"ə istinadən bildirir ki, Dünya miqyasında bank kartları vasitəsilə hər gün milyardlarla dollarlıq maliyyə əməliyyatları icra olunur. Buna görə böyük maraq dairəsində olan bu kartlardan vəsaitləri oğurlamaq üçün kibercinayətkarların üsulları da yenilənir. “Xəzər Xəbər” bu yeni təhdidlərin nədən ibarət olduğunu araşdırıb.
Bank kartlarında olan vəsaitləri ələ keçirmək cəhdləri informasiya-kommunikasiya texnologiyalarının inkişafı ilə paralel olaraq təkmilləşməkdə və təhlükəli hal almaqdadır.
Bu vəziyyət plastik kartların təhlükəsizliyinə cavabdeh olan şirkətləri diqqətli olmağa və təhlükəsizlik sistemini daha da gücləndirməyə vadar edir. "Mastercard Worldwide" beynəlxalq kart təşkilatı müasir dövrdə bank kartlarına olan təhdidləri, ən çox baş verən dələduzluq hallarını açıqlayıblar.