Cari ildə qeyri-neft-qaz sektorunda 3.1 faiz artım qeydə alınıb

Cari ilin yanvar-oktyabr aylarında Azərbaycanda ümumdaxili məhsul (ÜDM) istehsalı 106 milyard 435.4 milyon manat təşkil edib ki, bu da əvvəlki ilin eyni dövrü ilə müqayisədə 1.3 faiz çoxdur.
Dövlət Statistika Komitəsinə istinadən xəbər veririk ki, iqtisadiyyatın neft-qaz sektorunda əlavə dəyər 2.1 faiz azalarkən, qeyri-neft-qaz sektorunda 3.1 faiz artım qeydə alınıb.

ÜDM-in istehsalında sahələrin payı aşağıdakı kimidir: sənaye - 34%, ticarət və nəqliyyat vasitələrinin təmiri - 10.5%, nəqliyyat və anbar təsərrüfatı - 7.1%, kənd təsərrüfatı, meşə təsərrüfatı və balıqçılıq - 6.7%, tikinti - 6.5%, turistlərin yerləşdirilməsi və ictimai iaşə - 2.7%, informasiya və rabitə sahələri - 1.9%, digər sahələr - 20.9%. Məhsula və idxala xalis vergilər ÜDM-in 9.7 faizini təşkil edib.

Hesabat dövründə əhalinin hər nəfərinə düşən ÜDM 10 min 392.6 manat olub.