Külək Bakıda ağacları qırdı - FOTOLAR

Fevralın 3-də gecədən səhərə kimi güclü külək nəticəsində 19 ağac sınıb, 15 ağacın budaqları qırılıb.

Bu barədə Bakı Şəhər Yaşıllaşdırma Təsərrüfatı Birliyindən məlumat verilib.

Bildirilib ki, dünən axşamdan davam edən güclü küləklə əlaqədar Bakı Şəhər Yaşıllaşdırma Təsərrüfatı Birliyinin əməkdaşları gücləndirilmiş iş rejimində çalışırlar:

"Sınan ağaclar və qırılan budaqlar birliyin növbətçi briqadaları tərəfindən operativ şəkildə görütülür və ərazi təmizlənir".

***

08:47

Ölkə ərazində dünəndaən başlayan güclü külək davam edir.

Xəbər veririk ki, külək bəzi ərazilərdə fəsadlar törədib. Belə ki, külək Bakının Cavadxan küçəsində ağacların budaqlarını qırıb.

Metronun “Memar Əcəmi” stansiyası tərəfdə hərəkətin sıx olduğu küçədə qeydə alınan hadisə zamanı, xoşbəxtlikdən ziyan çəkən olmayıb.