“Aprel ayında islahatlara start verilə bilər” - PROQNOZ

Mehman Əliyev: “Bu baş verərəsə, cəmiyyətdə də gələcəklə bağlı ümid yaranacaq”
Bunu Moderator.az-a açıqlamasında “Turan” İnformasiya Agentliyinin rəhbəri, media eksperti Mehman Əliyev bildirib. Onun sözlərinə görə, islahatlara start verilməsi insanlara gələcəklə bağlı ümid və ruh verəcək:
“İlham Əliyev özü də bir müddət əvvəl bildirmişdi ki, altı aydan sonra islahatlarla bağlı müəyyən addımlar atılacaq. Bu isə hardasa aprel ayına düşür. Əgər doğrudan da aprel ayında islahatlar başlasa, bu, cəmiyyətə müəyyən ümid verəcək. Insanlar vəziyyətin müsbətə doğru dəyişəcəyinə ümid etməyə başlayacaqlar. Lakin əsas olan bir məsələ var. Apreldə başlanması ehtimal olunan islahatlar iqtisadiyyatın dirçəlməsinə gətirib çıxardacaqmı? Başlıca məsələ budur. Onu da unutmaq olmaz ki, islahatlar baş verməzsə, o zaman inqilabi vəziyyətə gətirib çıxarması qaçılmaz olacaq”. [xfgiven_embed] [/xfgiven_embed] [xfgiven_youtube][/xfgiven_youtube]