Keçmiş işçi “Azərsun”u məhkəməyə verərək qalib gəldi

“Sun Food” MMC-dəki vəzifəsindən azad olunan şəxs şirkəti məhkəməyə verib.
Korrupsiya-q.az saytı Foodinfo.az-a istinadən xəbər verir ki, Nərimanov Rayon Məhkəməsinə müraciət edən Emil Cəbiyev işə bərpa olunmasını tələb edib. Məhkəmə keçmiş işçinin iddiasını təmin edib və onun işə bərpa olunması barədə qərar qəbul edib.
“Sun Food” MMC məhkəmə qərarından apellyasiya şikayəti verib. Şikayədə Bakı Apellyasiya Məhkəməsində baxılacaq.
Qeyd edək ki, “Sun Food” MMC “Azərsun Holdinq” MMC-yə daxil olan şirkətlərdən bidirir. 1991-ci ildə Azərbaycanda fəaliyyətə başlayan “Azərsun Holdinq” MMC qida istehsalı, pərakəndə satış və kənd təsərrüfatı sahəsində fəaliyyət göstərən, ölkənin qabaqcıl şirkətlər qrupudur.