Veteranlar Birliyinin sədri və müavini dələduzluqda ittiham edilir — MƏHKƏMƏ

Azərbaycan və Əfqanıstan Veteranları İctimai Birliyinin sədri 1961-ci il Məhəmməd Vəliyev və onun müavini 1961-ci il Cavan Əhmədovun cinayət işi üzrə məhkəmə prosesi başlayıb.
Korrupsiya-q.az "Ölkə.Az"ın əldə etdiyi məlumata görə, xəbər verir ki, bu gün Bakı Ağır Cinayətlər Məhkəməsində hakim Ramella Allahverdiyevanın sədrliyi ilə baş tutan prosesdə təqsirləndirilən şəxslərin anket məlumatları dəqiqləşdirilib.
İttiham aktına əsasən, təqsirləndirilən şəxslər vətəndaşın etibarından sui-istifadə edərək dələduzluq etməkdə, rüşvət almaqda və rəsmi sənədləri saxtalaşdırmaqda ittiham edilirlər.
Onlardan şikayət edən zərərçəkənlər isə veteranlardır.
Şikayətçilər bildiriblər ki, 8 mindən çox üzvü olan İctimai Birlikdə korrupsiyaya yol verilib, veteranlara ayrılmış torpaq sahəsi üçün külli miqdarda pul tələb olunub.
Məhəmməd Vəliyev və Cavan Əhmədovun barəsində cinayət işi başlanıb.