Kamran Əliyev vəzifəsindən azad olundu – DYP-də kadr dəyişikliyi...

DİN Baş Dövlət Yol Polisi İdarəsində kadr dəyişikliyi edilib.
Korrupsiya-q.az saytı Avtosfer.az-a istinadən xəbər verir ki, uzun illərdir mətbuatla sıx əlaqələr qurmağı bacaran polkovnik Kamran Əliyev Baş İdarənin İctimaiyyətlə əlaqələr şöbəsinin rəisi vəzifəsindən azad edilib. Daxili işlər nazirinin əmri ilə Kamran Əliyev BDYPİ-nin Yol-Patrul Xidməti şöbəsinə rəis təyin edilib. Bu vəzifədə bundan əvvəl polkovnik Ərəstun Məcidov çalışırdı. O, bir neçə ay əvvəl təqaüdə çıxdığı üçün həmin şöbədə rəis postu boş idi.
Kamran Əliyevin indiyədək rəhbərlik etdiyi İctimaiyyətlə əlaqələr şöbəsinə də təyinat olub. Belə ki, Bakı şəhər Dövlət Yol Polisi İdarəsinin əməkdaşı, mayor Rüfət Quliyev Baş İdarəinin İctimaiyyətlə əlaqələr şöbəsinin rəisi təyin edilib.
Avtosfer.az həm Kamran Əliyevə, həm də Rüfət Quliyevə yeni vəzifələrində uğurlar arzulayır.