“Hələ də 27 apreli işğal tarixi kimi qəbul etməyənlər var”

Mirmahmud Mirəlioğlu: “Bu səbəbdən də aprel işğalının ildönümünün lazımı səviyyədə qeyd edilməsi çətindir”
Qarşıdan 27 aprel – Azərbaycanın rus ordusu tərəfindən işğalının növbəti ildönümü gəlir. Azərbaycan Xalq Cümhuriyyətinin məhvi ilə nəticələnən aprel işğalının, onun ağır fəsadlarının cəmiyyətdə geniş şəkildə təbliğinə ehtiyac varmı?
Moderator.az -a açıqlama verən KXCP sədri Mirmahmud Mirəlioğlu belə bir təbliğatın vacib olduğunu vurğuladı:
“Təbii ki, bu kimi olayların qeyd edilməsinə, bu istiqamətədə maarifləndirici tədbirlər həyata keçirilməsinə ciddi ehtiyac var. Bu cür tədbirlərin keçirilməsi tarixi yaddaşın yenilənməsi, tarixi həqiqətlərin gənc nəslə təbliği baxımından da mühüm əhəmiyyətə malikdir. Lakin təəəssüf ki, 27 aprel işğalının ildönümünün lazımı səviyyədə qeyd edilməsi bir qədər çətindir. Çünki hələ də 27 apreli işğal tarixi kimi qəbul etməyənlər var. Ancaq təbii ki, Azərbaycan Xalq Cümhuriyyətinin devrilməsi ilə nəticələnən bu olayın, onun acı nəticələrinin təbliği zəruridir”.

Seymur Əliyev [xfgiven_embed] [/xfgiven_embed] [xfgiven_youtube][/xfgiven_youtube]