Gün ərzində Azərbaycan ərazisində 6-10 xırda təkanlar qeydə alınır. Maqnitudası və dərinliyi az olduğu üçün biz onları hiss etmirik. Ancaq elə yerlər var ki, orada enerji yığılır və bu ərazilər daha seysmoaktiv sayılır.
Korupsiya-q.az xəbər verir ki, bu fikirləri Oxu.Az-a açıqlamasında Azərbaycan Milli Elmlər Akademiyasının Respublika Seysmoloji Xidmət Mərkəzinin direktoru Qurban Yetirmişli deyib.
Onun sözlərinə görə, il ərzində təkanlar, Azərbaycan ərazisində blokların hərəkəti, eləcə də, planetdəki seysmoaktivliklə bağlı informasiyalar öyrənilir və daha fəal zonalar müəyyən edilir.
2018-ci ildə Azərbaycanda seysmoloji cəhətdən daha çox aktiv olan rayon və şəhərlər:
1. Şamaxı rayonu;
2. Abşeron yarımadasında (Bakı, Sumqayıt) təhlükə dənizdə baş verən zəlzələlərin ocaqlarına (Azəri-Çıraq-Günəşli neft yatağının ərazisi) görə yarana bilər;
3. İsmayıllı;
4. Qusar;
5. Zaqatala.
Yetirmişli qeyd edib ki, məhz bu əraziləri seysmoloji cəhətdən gərgin hesab etmək olar. Bu rayonlarda zəlzələ istənilən vaxt baş verə bilər.
Azərbaycanda zəlzələ oldu
140 milyon insanı gözləyən dəhşətli zəlzələ - Azərbaycana təsir edəcəkmi?
Xəzərdə zəlzələ olub
Mingəçevirdə zəlzələ oldu
Azərbaycanda yer titrədi
