Ziya Məmmədov: "O binanın mənə və oğluma aidiyyatı yoxdur"

Mətbuatda sabiq Nəqliyyat naziri Ziya Məmmədovun oğlu, "Garant-Holdinq”in prezidenti Anar Məmmədovun Bakıdakı 33 mərtəbəli hoteli ilə bağlı yeni məlumat yayılıb.
İnformasiyada qeyd olunur ki, ötən ilin aprelində yanğın baş vermiş və əvvəlki adı "Trump Tower Baku”, sonrakı adı isə "Yelkən hotel” olan binanın fasadı tam dəmir çərçivələrə alınıb. İddialara görə, bu həmin hoteli söküləcəyi ilə bağlı şübhələri artırır.
Məsələyə sabiq Nəqliyyat naziri Ziya Məmmədovdan özündən münasibət öyrənilib.
Sualı əsəbi qarşılayan sabiq nazir bildirib ki, bu xəbərlər şaiyədir: "Mən ilk dəfədir eşidirəm bunu. Bunun nə mənə, nə də mənim oğluma heç bir aidiyyatı yoxdur”.