Azərbaycan İdeyası

Eldar Əzizovdan icra başçılarına ciddi - XƏBƏRDARLIQ

Tarix:6-11-2019, 11:11
Baxış Sayı:132


Bakı Şəhər İcra Hakimiyyətində Prezident İlham Əliyevin Bakı Şəhər İcra Hakimiyyətinin başçısı Eldar Əzizovu qəbul etdiyi zaman verdiyi tapşırıqların icrası, Bakı şəhərində görülən abadlıq-quruculuq işlərinin vəziyyəti və qarşıda duran vəzifələrə həsr olunmuş müşavirə keçirilib.
Bakı Şəhər İcra Hakimiyyətinin Mətbuat Xidmətindən Oxu.Az-a bildirilib ki, müşavirədə paytaxt rayonlarının icra hakimiyyətlərinin başçıları, şəhərin təsərrüfat xidmətlərinin rəhbərləri iştirak edib.
Tədbirdə çıxış edən Bakı Şəhər İcra Hakimiyyətinin başçısı Eldar Əzizov ölkə başçısının qəbulunda olduğu zaman Prezident tərəfindən verilən tapşırıqlar, qeyd edilmiş nöqsanlar, görüləcək işlər və qarşıya qoyulan vəzifələr barədə məlumat verib. Toplantıda bəzi icra hakimiyyəti başçıları ciddi tənqid edilib.
“Şəhər icra hakimiyyəti və rayon icra hakimiyyəti başçıları cənab Prezidentin tutduğu iradlardan nəticə çıxarmalı, işimizi bu böyük insanın tələblərinə uyğun qurmalıyıq. Bu gün ölkədə sistemli dəyişikliklər, inqilabi islahatlar aparılır və buna uyğun olaraq iş, forma və metodları dəyişməlidir. Tənqid və özünə tənqid normaya çevrilməlidir”, - Eldar Əzizov bildirib.
Eldar Əzizov icra başçılarına müraciət edərək, hər bir sakinin problemini öz problemimiz kimi qəbul edilməsinin vacibliyini vurğulayıb.
Müşavirədə qanunsuz tikintilərlə bağlı ölkə başçısının iradları çatdırılıb, yaradılmış park və məhəllələrin lazımi səviyyədə qorunması ilə bağlı tapşırıqlar verilib. Xüsusi olaraq vurğulanıb ki, daxil olan məlumatlara görə RİH-də və digər qurumlarda vətəndaşların müraciətlərinə bəzi hallarda lazımi diqqət göstərilmir, süründürməçilik hallarına yol verilir.

Tədbirdə bir neçə rayon icra hakimiyyətinin başçısı çıxış edərək ölkə başçısının haqlı iradlarından nəticə çıxaracaqlarını və qısa müddətdə lazımi tədbirlərin görəcəklərini bildiriblər.

OXŞAR XƏBƏRLƏR
Şizofreniya xəstəsi “zor tətbiq etmədən soyğunçuluq” əməlində ittiham edilir
Şizofreniya xəstəsi “zor tətbiq etmədən soyğunçuluq” əməlində ittiham edilir
“Məzun Evi”nin atalı-analı yetimlərindən ibarət təxribatçı dəstə hələ də cəzasız qalıb
“Məzun Evi”nin atalı-analı yetimlərindən ibarət təxribatçı dəstə hələ də cəzasız qalıb
Trampdan Putinə xəbərdarlıq - "Odla oynayır"
Trampdan Putinə xəbərdarlıq - "Odla oynayır"
Laçında dəfn mərasimlərinə icazə verildi
Laçında dəfn mərasimlərinə icazə verildi
28 may-Müstəqillik Günüdür
28 may-Müstəqillik Günüdür
Kibercinayətkarlıqla mübarizə çərçivəsində əməliyyat keçirildi
Kibercinayətkarlıqla mübarizə çərçivəsində əməliyyat keçirildi
Xəzər rayon rəhbərliyi I Vitse-Prezidentin göstərişinə məhəl qoymur
Xəzər rayon rəhbərliyi I Vitse-Prezidentin göstərişinə məhəl qoymur
İDARƏ, MÜƏSSİSƏ VƏ TƏŞKİLAT RƏHBƏRLƏRİNİN NƏZƏRİNƏ!+FOTO!
İDARƏ, MÜƏSSİSƏ VƏ TƏŞKİLAT RƏHBƏRLƏRİNİN NƏZƏRİNƏ!+FOTO!