Azərbaycan İdeyası

16 yaşlı arvadını öldürməkdə ittiham olunan Masallı sakini tutuldu

Tarix:30-01-2020, 10:50
Baxış Sayı:109

Masallı rayonu, Həsənli kənd sakini 16 yaşlı Qəmbərova Fatimə Mais qızının qətlə yetirilməsi ittihamı ilə bağlı əri 2001-ci il təvəllüdlü İman Məmmədov tutulub.
Bu barədə Oxu.Az-a rayonun hüquq-mühafizə orqanlarından məlumat daxil olub.
F.Qəmbərova yanvarın 29-da Xoşçobanlı kəndində qətlə yetirilib. İki həftə əvvəl qız həmkəndlisi İman Məmmədova ərə gedib. Məhkəmə ekspertizasına görə, zərərçəkən boğularaq öldürülüb.
Faktla bağlı Azərbaycan Respublikası Cinayət Məcəlləsinin 120.1-ci (Qəsdən adam öldürmə) maddəsi ilə cinayət işi açılıb.
Əldə olunan məlumata görə, İ.Məmmədov yanvarın 29-da axşam saatlarında saxlanılıb. O, törətdiyi əməli etiraf edərək, onunla yetkinlik yaşına çatmayan həyat yoldaşı arasında məişət zəminində münaqişə baş verdiyini deyib.
Saxlanılan şəxsin bədənində müayinə zamanı mütəxəssislər hücuma məruz qalan F.Qəmbərovanın müqavimət göstərməyə çalışdığını göstərən yüngül xəsarətləri qeyd ediblər.
Məlum olub ki, saxlanılan şəxs Sumqayıt Dövlət Texniki Kollecinin tələbəsidir. Bununla əlaqədar gənc cütlük Sumqayıtda kirayə mənzilə köçməli idi. Mənzili İ.Məmmədovun anası kirayələyib.
Saxlanılan şəxsin dediyinə görə, o, F.Qəmbərova ilə valideynlərinin istəyinə əsasən evlənib. Onlar 2016-cı ildə, üç il əvvəl nişanlanıblar.
Hüquq mühafizəçiləri qeyd ediblər ki, istintaq orqanları mərhumun qanunu pozan və hələ nikah yaşına çatmamış qızını ərə verən valideynlərinə qarşı tədbirlər görməlidir.

OXŞAR XƏBƏRLƏR
70 yaşın işığında...
70 yaşın işığında...
Mehriban Əliyevanın təşəbbüsü ilə ərsəyə gələn “Məzun Evi” sosial layihəsini kimlər korrupsiya dalanına dirəyib
Mehriban Əliyevanın təşəbbüsü ilə ərsəyə gələn “Məzun Evi” sosial layihəsini kimlər korrupsiya dalanına dirəyib
Onun ürəyi xalqıyla döyünür.
Onun ürəyi xalqıyla döyünür.
Xəzər rayon rəhbərliyi I Vitse-Prezidentin göstərişinə məhəl qoymur
Xəzər rayon rəhbərliyi I Vitse-Prezidentin göstərişinə məhəl qoymur
İDARƏ, MÜƏSSİSƏ VƏ TƏŞKİLAT RƏHBƏRLƏRİNİN NƏZƏRİNƏ!+FOTO
İDARƏ, MÜƏSSİSƏ VƏ TƏŞKİLAT RƏHBƏRLƏRİNİN NƏZƏRİNƏ!+FOTO
Nəsimi polisi ahıl və xəstə qadını “qaralayıb” - Sistemli şəkildə qanunsuz saxlanılır, ailəsinə xəbər verilmir
Nəsimi polisi ahıl və xəstə qadını “qaralayıb” - Sistemli şəkildə qanunsuz saxlanılır, ailəsinə xəbər verilmir
Ali Məhkəmənin İnzibati Kollegiyasına
Ali Məhkəmənin İnzibati Kollegiyasına
“Gilan Holdinq” MMC-nin mənafeyinə toxunan şikayət materialları FHN-də “yoxa çıxır”
“Gilan Holdinq” MMC-nin mənafeyinə toxunan şikayət materialları FHN-də “yoxa çıxır”