Qəsəbə sakinləri: “Yağışlı havada yolda hərəkət edə bilmirik” - VİDEO

Abşeron rayonunun Mehdiabaq qəsəbəsində yaşayan sakinlər yollarının bərbar vəziyyətdə olmasından əziyyət çəkirlər.
Baku Tv xəbər verir ki, qəsəbədə yerləşən Atatürk küçəsində kanalizasiya xətləri yaxşı işləmir.
Yağışlı havalarda təmirsiz olan yolda gediş-gəliş çox çətinləşir.
Sakinlər bildirirlər ki, bir neçə dəfə öz vəsaitləri ilə küçəyə daş töküblər, ancaq yolun ciddi təmirə ehtiyacı var.
Məsələ ilə bağlı Abşeron rayon İcra Hakimiyyətindən isə bildiriblər ki, yaxın zamanda həmin küçədə təmir işləri aparılacaq.