Evlənməyə hazırlaşan bərbər intihar edib

Bu gün axşam saatlarında Salyan rayonunda intihar hadisəsi baş verib. Virtualaz.org saytının Şirvan bürosu xəbər verir ki, Salyan şəhəri, 20 Yanvar küçəsində yaşayan və bərbər işləyən 1987-ci ildə anadan olmuş Quliyev Rafət Ağaqulu oğlu özünü həyətlərindəki yardımçı tikilidə ilgəklə asaraq intihar edib.

Yaxınlarının bildirliklərinə görə, onun bu yaxınlarda ailə həyatı quracağı gözlənilirmiş. İntiharın hansı səbəbdən baş verməsi hələlik məlum deyil. Faktla bağlı Salyan Rayon Prokurorluğunda araşdırmalara başlanılıb.