Azərbaycan İdeyası

Türkiyədə üç nəfəri öldürən azərbaycanlılar tutuldu

Tarix:10-07-2016, 16:55
Baxış Sayı:752

Türkiyədə üç nəfəri öldürən azərbaycanlılar tutuldu
Saxlanılan hər üç şəxs barədə cinayət işi başlanıb.

Türkiyədə qəsdən qətl törətməkdə şübhəli bilinən üç nəfər Marneuli sakini olan azərbaycanlı Gürcüstan prokurorluğu tərəfindən saxlanılıb.

Criminal.az-ın APA-ya istinadən məlumatına görə, bu barədə Gürcüstan prokurorluğunun mətbuat xidməti məlumat yayıb.

Məlumata görə, Türkiyədə qəsdən qətl törətməkdə şübhəli bilinən Elnur Antesov, Vüqar Quliyev və Azadə Omərova “Sarpi” gömrük məntəqəsini keçərkən saxlanılıblar. Prokurorluqdan bildirilib ki, saxlanılanlar 2016-cı il yanvarın 28-də Türkiyənin Düzcə bölgəsində Marneuli sakini olan Ema Şərifovanı, onun bacısı 46 yaşlı Elnaz Şərifova və nəvəsi 19 yaşlı Sahib Şərifovu boğazını kəsərək qətlə yetiriblər. İstintaqın versiyasına görə, öldürülən Elnaz və Ema Şərifovalar Türkiyədə çalışıblar və qazandıqları pulu evdə saxlayıblar. Saxlanılan şəxslərdən biri Azadə Omarova yanvarın 6-da Şərifovaların Düzcə bölgəsindəki evinə gəlib.

A.Omarova Şərifovaların etibarını qazanıb və yanvarın 26-da Türkiyəyə gələn digər Marneuli sakini Elnur Antesovla Şərifovaların pulunu mənimsəmək üçün cinayət törətmək qərarına gəliblər. E.Antesov İstanbula qayıdaraq, Marneulidən olan dostu Vüqar Quliyev ilə görüşüb. Sonra Azadə Omarova, Elnur Antesov və Vüqar Quliyev Düzcəyə gələrək Şərifovlar ailəsinin bütün üzvlərini - iki bacı - 56 yaşlı Emma və 46 yaşlı Elnaz Şərifovaları, həmçinin onlardan birinin 19 yaşlı nəvəsi Sahib Şərifovu boğazlarını kəsərək öldürüblər.

Saxlanılan şəxslər evdə olan pul və kompüter, mobil telefonlar və digər qiymətli əşyaları özləri ilə götürüblər və “Sarpi” gömrük məntəqəsini keçərək Gürcüstana qayıdıblar.

Hazırda saxlanılan hər üç şəxs barədə cinayət işi başlanıb və Gürcüstan CM-nin 109-cu maddəsinin 2 və 3-cü bəndi ilə (iki və ya daha çox şəxsin, tamah üçün bir qrup şəxs və ya sifariş nəticəsində qəsdən adam öldürmə) araşdırma aparılır. Təqsirləndirilən şəxsləri 16 ildən 20 ilədək və ya ömürlük həbs cəzası gözləyir.

OXŞAR XƏBƏRLƏR
Bu gündən ictimai nəqliyyatda gedişhaqqı 60 qəpik olacaq
Bu gündən ictimai nəqliyyatda gedişhaqqı 60 qəpik olacaq
Nazirdən deputata, rektordan generaladək: Vəzifədə həyatla vidalaşanlar
Nazirdən deputata, rektordan generaladək: Vəzifədə həyatla vidalaşanlar
Aeroportdan şəhərə gəldi, taksiyə 42 manat ödədi - FOTO
Aeroportdan şəhərə gəldi, taksiyə 42 manat ödədi - FOTO
Bu icra başçılarının yaşı 70-ə çatır - SİYAHI
Bu icra başçılarının yaşı 70-ə çatır - SİYAHI
Cabir İmanovun infarkt olmasına idman səbəb olub? - DETALLAR
Cabir İmanovun infarkt olmasına idman səbəb olub? - DETALLAR
Əməkdar artist Cabir İmanov vəfat edib -+ƏLAVƏ
Əməkdar artist Cabir İmanov vəfat edib -+ƏLAVƏ
Aranlının mədəniyyət başqanı Elşən Əsədov “əvvəl gödəniyyət” prinsipi ilə işləyir
Aranlının mədəniyyət başqanı Elşən Əsədov “əvvəl gödəniyyət” prinsipi ilə işləyir
İctimai nəqliyyatda gedişhaqqı artırıldı
İctimai nəqliyyatda gedişhaqqı artırıldı