Kürdəmir rayonunda qaydaları pozan sürücülərə qarşı reyd keçirildi. EL TV (Region TV) xəbər verir ki, yol hərəkəti qaydalarını pozan sürücülər saxlanılaraq barələrində inzibati tədbirlər görüldü. İritutumlu marşrut avtobuslarını idarə edən sürücülərin tibbi müayinədən keçib-keçməmələri də yoxlanıldı. Sürücülərin əksəriyyəti müxtəlif bəhanələr gətirərək cərimələrdən yayınmağa cəhd etsələr də, bu baş tutmadı.
"Reyd zamanı 60-a yaxın inzibati protokol tərtib edilmişdir. Həmin protokolların içərisində sərxoş vəziyyətdə nəqliyyat vasitəsini idarə edən, əks istiqamətdə hərəkət zolağına çıxmaqla ötmə manevri etmə qaydalarını pozan sürücülər və nəqliyyat vasitələrinin konstruksiyasına dəyişiklik eləyən sürücülər tərəfimizdən saxlanılıb. Həmin sürücülərə inzibati protokollar tərtib olunub", - deyə Kürdəmir YPX-nin baş inspektoru Zamiq Ağayev bildirib.
Bildirək ki, reydlərin bu ayın sonunadək mütəmadi olaraq keçirilməsi planlaşdırılır.
Sürücülərin diqqətinə: cərimələr artırılır
Sərxoş avtobus sürücülərinə həbs cəzası!
Plyonkadan istifadə edənlərin nəzərinə!
Avtoxuliqanlar yeni qaydalarla cəzalandırılacaq
Özünü jurnalist kimi təqdim edən qadın sürücü polisdən belə qaçdı
