Ermənistan xüsusi təyinatlılarının Yerevanda Daxili Qoşunların və polisin binasının zəbt olunmasından sonra keçirdikləri əməliyyat nəticəsində girovlardan ikisi azad olunub. Virtualaz.org bildirir ki, bu barədə “İnterfaks” Ermənistan Milli Təhlükəsizlik Xidmətinə istinadən məlumat yayıb. “Bir polis əməkdaşı həlak olub, ikisi yaralanıb. Girovlardan ikisi azad olunub”, - deyə Xidmətdən bildirilib.
Yeri gəlmişkən, “Yeni Ermənistan” hərəkatının lideri Jirayr Sefilyanın azadlığını tələb edən müxalifətçilərdən biri sosial şəbəkədə ələ keçirilmiş polis binasında çəkilən video yerləşdirib. Həmin videoda da silahlı adamlar Ermənistan prezidenti Serj Sarkisyanın istefasını tələb edirlər.
"Silahlı şəxslər Yerevanda Ermənistan polisinin yeddi əməkdaşını girovluqda saxlayır". "Report" xəbər verir ki, bunu erməni parlamentinin müxalifətdən olan deputatı, qiyamçıların ələ keçirdiyi post-patrul xidmətinə baş çəkmiş Nikol Paşinyan deyib. Onun sözlərinə görə, girovlar arasında polis rəisinin müavini, general-mayor Vartan Eqiazaryan da var. Qiyamçılar daha bir polisi səhhətində problemin olması səbəbilə girovluqdan buraxıblar. "Silahlı dəstə Jirayr Sefilyanın azadlığa buraxılmasını, Ermənistan prezidenti Serj Sarkisyanın istefaya getməsini və hakimiyyəti xalqa təhvil verlməsini tələb edir", - deyə deputat qeyd edib. Deputat vurğulayıb ki, qiyamçılar onlara qarşı hər hansı hücum əməliyyatına cavab olaraq sonadək mübarizə aparmağa kökləniblər.
Yerevanda silahlılar polis binasını ələ keçirdi: ölən və yaralananlar var VİDEO
Ermənistan ordusunun daha bir generalı işdən çıxarılıb
Ermənistanda kütləvi həbslər: 200 nəfər saxlanıldı
İranla Ermənistan arasında viza rejimi ləğv edildi
Erməni general hədələdi: “Tezliklə müharibə başlayacaq...”
