Türkiyədə hərbi çevriliş cəhdindən sonra həbs olunan çoxsaylı prokurorlar arasında ötən illərin səs-küylü “Ergenekon” istintaqını aparan prokuror da var. APA-nın “Hürriyet”ə istinadən verdiyi xəbərə görə, “Konstitusiya quruluşunu dəyişməyə cəhd” ittihamı ilə başlanan cinayət işi çərçivəsində Düzcə vilayətində saxlanılan 13 prokurordan 5-i haqqında həbs qərarı çıxarılıb.
Onların arasında “Ergenekon” cinayət işi çərçivəsində bir vaxtlar çoxlu sayda yüksək rütbəli hərbçinin həbsinə sanksiya vermiş Osman Şanal da var. O. Şanal həbs qərarının verildiyi məhkəmə binasından çıxarılarkən “mən cümhuriyyət prokuroru Osman Şanalam. Mənə bu davranışı rəva görənləri millətimə həvalə edirəm. Həbsimə sanksiya verənlərdən şikayətçi olacağam”, deyib.
Türkiyədə hərbi çevrilişin ŞOK nəticəsi: 2418 hərbçi həbs edildi
Axtarışda olan rektor ölkəyə qayıtdı
Türkiyədə bu dəfə 200-dən çox polis saxlanıldı
Türkiyədə 103 general və admiral həbs edildi
Türkiyə müdafiə nazirinin şəxsi köməkçisi də saxlanıldı
