Masallıda 3 otaqlı ev yandı

Masallı rayonunda yanğın hadisəsi baş verib.

Criminal.az "Report"-a istinadən xəbər verir ki, hadisə rayonun Banbaşı kəndində baş verib. Kənddə vətəndaşa məxsus ümumi sahəsi 132 kv.m olan ikimərtəbəli 3 otaqlı evin 2-ci mərtəbəsində mətbəxin döşəməsi, tavanı 16 kv.m və dəhlizin tavanı 25 kv.m sahədə yanıb.

Evin qalan hissəsi yanğında mühafizə olunub. Yanğın saat 06:15-də yanğınsöndürənlər tərəfindən söndürülüb.