İsmayıllı Rayon Prokurorluğu sevdiyi qıza görə özünü yandıran gəncin intihar olayına aydınlıq gətirib. Criminal.az saytı azxeber.com-a istinadən bildirir ki, prokurorluqdan verilən məlumata görə, Elnur Dəmirov İsmayıllı xəstəxanasında olanda polisə izahat verib və manqalın üstünə yıxılıb yandığını deyib:
"Burada vəziyyəti ağırlaşdı, Bakıya apardılar. Vəziyyəti pis olsa da, ağlı başında idi, danışırdı. Dedi ki, özünü öldürmək kimi bir niyyəti olmayıb".
Prokurorluqdan onu da əlavə ediblər ki, E.Dəmirovun sevdiyi qızı ona verməmələri ilə bağlı yayılan məlumatlar şayiədir: "Orada başqa məsələlər var. Elnur bir qadına vurulub, onun da 40 yaşı var. Həmin qadının da Elnur boyda uşağı var. Elçiliklə bağlı yayılan məlumatlar hələ ki təsdiqini tapmayıb. Bütün bunlar araşdırılacaq və onun yanmasının əsl səbəbi sonra bilinəcək".
Qeyd edək ki, İsmayıllı rayonunda intihar hadisəsi baş verib. Rayon sakini, 29 yaşlı Elnur Dəmirov özünü yandıraraq həyatına qəsd edib. Ağır yanıq xəsarətləri alan gənc Respublika Yanıq Mərkəzinə gətirilib. Vəziyyəti ağır olduğundan onun həyatını xilas etmək mümkün olmayıb.
İsmayıllı və Şəmkirdə güllələnmə
Bakıda 48 yaşlı qadın özünü yandırıb
15 yaşlı qız evdə özünü asdı
Gənc oğlan özünü asdı
15 yaşlı qızın intihar səbəbi - “Anası deyib ki, evdə iş gör”
