Toya gederkən həyatını itirən qadının meyiti tapıldı

Sabirabadda yaxın qohumunun toyuna getməyə hazırlaşarkən həyatını itirən qadının meyiti tapılıb. Criminal.az xəbər verir ki, 2 uşaq anası olan Almaz Daşdıyeva iki gün əvvəl səhər saatlarında Kür çayının kənarında işıq mühərrikini işə salan zaman onu elektrik cərəyanı vurub. Müvazinətini itrən qadın Kür çayına düşüb.

Fövqəladə Hallar Nazirliyinin Dövlət Sularda Xilasetmə Xidmətinin dalğıc-xilasediciləri hadisə yerinə cəlb olunub və 1981-ci il təvəllüdlü İsgəndərova Almaz Alməmməd qızının cəsədi batdığı yerdən tapılaraq çıxarılıb. Meyit aidiyyəti üzrə təhvil verilib.

A.Daşdıyeva həmin gün qardaşı qızının toyuna getməyə hazırlaşırmış. Bədbəxt hadisə nəticəsində toy yasa çevrilib.