Son 5 ayda 39 nəfər dərmandan zəhərlənib

Son 5 ay ərzində Azərbaycanda qeydə alınan dərman zəhərlənmələrinin sayı açıqlanıb.
Korrupsiya və Qanun qəzeti Səhiyyə Nazirliyinin Kliniki Tibbi Mərkəzinin Toksikologiya şöbəsinin müdiri Azər Maqsudov Lent.az-a açıqlamasında bildirib ki, ötən ay ərzində 14 nəfər dərmanların əks təsirləri, allergik reaksiyası şikayəti ilə Toksikologiya şöbəsinə müraciət edib.
Ötən həftə ərzində isə Toksikologiya şöbəsinə bununla bağlı 8 şikayət daxil olub. A.Maqsudov dərmanlardan zəhərlənmələrin daha çox antibiotik və polivitaminlərin təsirindən baş verdiyini qeyd edib.
Ümumilikdə isə son 5 ayda dərmanların əks təsirləri və alergik reaksiyası ilə bağlı 39 şikayət daxil olub.
A. maqsudov deyib ki, havaların soyuması ilə əlaqədar dəm qazından zəhərlənmə halları da müşahidə olunub. Ötən həftə ərzində 2 dəm qazından zəhərlənmə hadisəsi baş verib. A. Maqsudovun sözlərinə görə, şikayətçilər elə də ağır vəziyyətdə olmayıblar.