Məşhur türk aktyor jurnalisti məhkəməyə verdi – 70 min təzminat

Məşhur türk aktyor Kıvanç Tatlıtuğ ailəsi haqqında yazdığı məqaləyə görə jurnalist Soner Yalçını məhkəməyə verib.

Axşam.az Türkiyə mətbuatına istinadən xəbər verir ki, Soner Yalçın 4 ay öncə qələmə aldığı yazıda Tatlıtuğun ailəsinin “Amerikadakı Bürc təriqətinin lideri Əhməd Hulusinin müridləri” olduğunu iddia etmişdi. O yazmışdı ki, Kıvanç Tatlıtuğ anası Nurtən və atası Ərdəmin Türkiyədəki daşınmaz əmlaklarını sataraq Mayamiyə köçmək istəyir.

Bu iddialardan sonra, aktyor məhkməyə müraciət edərək Soner Yalçın haqqında 70 min lirəlik (təəxminən 35 min manat) mənəvi təzminat iddiası qaldırıb. Aktyorun vəkili bildirib ki, iddia ərizəsində aktyor 30 min, ana və atası isə hərəsi 20 min lirə təzminat tələb ediblər.

Qeyd edək ki, Əhməd Hulusi sosial mediada verdiyi açıqlamasında heç bir təriqətin lideri olmadığını və Kıvan Tatlıtuğu tanımadığını bildirib.