Polisdən qaçan hərbiçinin törətdiyi qəza - 3 ölü, yaralı

Bərdədə ağır yol qəzasında 3 nəfər öldü, 6 nəfər yaralandı. Bərdədə 4 avtomobilin toqquşması ilə nəticələnən yol qəzası baş verib. Hadisə Tərtər- Bərdə magistral yolunun Zümürxan kəndi ərazisindən keçən hissəsində qeydə alınıb.

Bərdə istiqamətində yüksək sürətlə hərəkətdə olan “Mersedes” markalı avtomobilin sürücüsü idarəetməni itirib və nəqliyyat vasitəsi Tərtər istiqamətində hərəkətdə olan “Vaz-2106”, “Ford explorer” və digər minik maşını ilə toqquşub.

Qəzaya səbəb olan “Mersedes”in sürücüsü hadisə yerindən qaçıb. Hadisə zamanı “Vaz-2106” markalı minik maşınında olan Alim İsayev və onun həyat yoldaşı Vəfa İsayeva hadisə yerindəcə həyatını itirib. Həmin avtomobildə olan 37 yaşlı Müşfiq Cümşüdov, 55 yaşlı Rafael Məmmədov, 13 yaşlı Nuranə İsayeva və 3 yaşlı qız, digər minik maşınlarında olan 54 yaşlı Saleh Qasımov, 13 yaşlı Şahnaz Əlizadə, 16 yaşlı Sevil Şərifova ağır bədən xəsarətləri ilə Bərdə rayon Mərkəzi Xəstəxanasına yerləşdiriliblər. 3 yaşlı körpə həkimlərin cəhdinə baxmayaraq xəstəxanada dünyasını dəyişib. (Region TV)

Qeyd edək ki, qəzanı törədən ''Mercedes''in sürücüsü hərbiçi olub. Onun yol polis tərəfindən təqib edildiyi bildirilir.




[xfgiven_embed] [/xfgiven_embed] [xfgiven_youtube][/xfgiven_youtube]