7 aylıq körpənin öldüyü dəhşətli qəzanın görüntüləri (VİDEO-FOTO)

Avtomobil dərəyə aşdı: sürücü və körpəsi öldülər. Yaralıların vəziyyəti ağırdır. Сəlilabadda baş verən ağır qəzada bir ailənin iki üzvü dünyasını dəyişib, digər iki üzvü isə ağır yaralanıb. CTV (Region TV) xəbər verir ki, hadisə Cəlilabad-Cəngan avtomobil yolunun Suluçeşmə kəndindən keçən hissəsində baş verib.

Rayon sakini Firdovsi Məlikov “VAZ – 21 07” markalı avtomobili ilə hərəkətdə olarkən sərt döngədə idarəetməni itirib. Avtomobil bir neçə dəfə fırlanaraq yol kənarına düşüb. Nəticədə sürücü və onun 7 aylıq övladı Rəşid Məlikov dünyasını dəyişib. Firdovsi Məlikovun həyat yoldaşı Təranə Məlikova və digər azyaşlı övladı Kəmaləddin Məlikov yaralı halda Cəlilabad Rayon Mərkəzi Xəstəxanasına çatdırılıb.

Hazırda onların vəziyyəti orta ağır olaraq qalır. Faktla bağlı araşdırma aparılır.