Keçmiş polis acınacaqlı durumda

Quba sakini Abubəkir Cəfərov Sədulla oğlu qanuni pensiyasından tam məhrum edilib. Criminal.az saytı xəbər verir ki, bu barədə Politika.Az-a şikayət məktubunda qeyd olunub. O, Qubanın M.Ə.Rəsulzadə küçəsi, 77 nömrəli ev ünvanında qeydiyyatdadır.

Dediyinə görə, 1971-ci il tarixdən 01 yanvar 1991-ci il tarixə qədər Daxili İşlər Nazirliyinin Quba Rayon Polis Şöbəsində starşina rütbəsi ilə xidmət edib, pensiyaya çıxıb. Belə ki, məhkəmə qətnaməsi olmadan bank kredit borcu “Kapital Bank” ASC-nin Quba filial tərəfindən A.Cəfərovun pensiyasının tam hissəsinə yönəldilərək A. Cəfərovun hətta qanunla nəzərdə tutulan yaşayış minimumundan məhrum edilməsi təmin edilib.

Nəticədə Cəfərov Abubək hətta bir çörək almaq iqtidarında deyil, aclığa məruz qalıb. Hazırda A.Cəfərov ölüm qabağı aclıq iztirablarını yaşayır. Prokurorluğa şikayət isə fayda verməyib. Vətəndaş daxili işlər naziri Ramil Usubovdan başqa heç kəsə ümid etmədiyini vurğulayıb.