Azərin “Yoxlama”sından sonra komaya düşən direktor vəfat etdi

Moderator.az olaraq xəbər vermişdik ki, ATV telekanalında yayımlanan “Yoxlama” verilişi 171 saylı orta məktəbin direktorunu ölümlə üz-üzə qoyub.
Belə ki, “Yoxlama” verilişinin aparıcı Azər İsmayılov Xətai rayonu Zaur Məmmədov adına 171 saylı məktəbdə olub və məktəb rəhbərliyinin razılığı olmadan çəkiliş aparıb. Çəkiliş yayımlandıqdan sonra məktəb direktoru Telman Qardaşovun səhətində problem yaranıb. Vəziyyəti ağırlaşan direktor 3 saylı Sabunçu Klinik Xəstəxanasına yerləşdirilib. Həkimlərin müayinəsi zamanı direktor Telman Qardaşovun beyninə qan sızdığı müəyyən olunub. Yazını tam şəkildə bu linkdən oxuya bilərsiniz:

İndi aldığımız məlumata görə, bu səhər Telman Qardaşov xəstəxanadaca vəfat edib. Məlumatı dəqiqləşdirmək üçün 171 saylı məktəblə əlaqə saxladıq. Telefona hazırda məktəbdə tək olduğunu bildirən qapıçı cavab verdi. Qapıçı ağlayaraq xəbərin doğruluğunu təsdiq etdi. Onu da əlavə etdi ki, məktəb kollektivi xəbəri eşidən kimi xəstəxanaya gedib.


[xfgiven_embed] [/xfgiven_embed] [xfgiven_youtube][/xfgiven_youtube]