Qəza edən "Galendewagen" Əli Həsənovun nəvəsinindir — FOTOLAR

Bakıda üç nəfərin ölümü nəticələnən qəza baş verib.
Korrupsiya və Qanun saytı "Ölkə.Az" a istinadən xəbər verir ki, “Mercedes Gelandewagen” markalı avtomobil paytaxtın Heydər Əliyev prospekti ilə yüksək sürətlə hərəkətdə olarkən idarəetməni itirib və arxadan “VAZ 21015” markalı avtomobilə çırpılıb.
Daha sonra “Mercedes Gelandewagen” yolun kənarındakı maneəni aşaraq köməkçi yola keçib və yanmağa başlayıb.
Qəza zamanı piyadanın da vurulduğu bildirilir. Qəza nəticəsində “Mercedes Gelandewagen”in sürücüsü də daxil olmaqla, üç nəfər ölüb.
Qəzadan sonra hadisənin təfərrüatı məlum olub. Belə ki, qəzaya uğrayanlardan biri "Qaçkınkom"un sədri Əli Həsənovun nəvəsi Nail Allahverdiyevdir.
10-PP-203 dövlət qeydiyyat nişanlı "Mercedes Galendevagen" avtomobili də onun qəzaya düşən nəvəsinə məxsusdur. Hadisə zamanı baş nazir müavininin nəvəsinin sürücüsü olduğu deyilən Mehdi Əliyev də həlak olub.