Maşın oğurları tutuldu

Avqustun 18-də Abşeron rayon İxtisaslaşdırılmış Təmir-Abadlıq İdarəsinə məxsus avtomobili qaçırmış şəxs tutulub.
"Korrupsiya və Qanun" qəzetinn DİN-in saytına istinadən məlumatına görə, Abşeron RPİ və Salyan RPŞ əməkdaşlarının həyata keçirdikləri əməliyyat-axtarış tədbirləri nəticəsində avqustun 18-də Abşeron rayon İxtisaslaşdırılmış Təmir-Abadlıq İdarəsinə məxsus “KamAZ” markalı avtomobili qaçırmış Salyan rayon sakini Vurğun Cəbrayılov tutulub.
Aparılmış əməliyyat tədbirləri ilə onun hadisəni oktyabrın 28-də oğurluq etdiklərinə görə tutulmuş İlkin Əliyev və Əhmədağa Cəbrayılovla birgə törətməsi müəyyən edilib.
Bundan başqa,Binəqədi RPİ 5-ci PB əməkdaşlarının həyata keçirdikləri əməliyyat-axtarış tədbirləri nəticəsində Nail Salamzadəyə məxsus “Ford” və Turac Lətifovaya məxsus “Hyundai” markalı avtomobillərdən pul, qızıl və məişət əşyaları oğurlamış Bakı şəhər sakinləri Anar Məcidov və Natiq Kərimov saxlanılıb.