Göygöldə heyvanlar tərəfindən parçalanan kişi meyiti tapıldı

Göygöl rayonunda kişi meyiti tapılıb.
Meyit rayonun Nadil kəndi ərazisində aşkarlanıb.
Bədəninin müxtəlif hissələri vəhşi heyvanlar tərəfindən yeyilmiş-didilmiş hala salınan meyit tibbi-ekspertizaya aparılıb. Aparılan araşdırma zamanı onun 1963-cü il təvəllüdlü Zaməddin Misir oğlu Zeynalov olduğu məlum olub.
Yaxınlarının bildirdiyinə görə, Z.Zeynalov 1 həftə öncə itkin düşüb.
Onun hansı şəraitdə öldüyü, məsələdə cinayət olub-olmadığı hələ məlum deyil.
Faktla bağlı Göygöl rayon Prokurorluğunda araşdırma aparılır.(Report)