Daxili İşlər Nazirliyi Baş Mühafizə İdarəsi Nəsimi Rayon Mühafizə İdarəsinin əməkdaşları tərəfindən gecə saatlarında 20 Yanvar küçəsində yerləşən mağazadan oğurluq edilməsinin qarşısı alınıb.
Bu barədə Daxili İşlər Nazirliyi məlumat yayıb.
Məlumata görə, xüsusi texniki vasitələrlə qorunan obyektdən Mərkəzi Mühafizə Məntəqəsinə daxil olan “həyəcan” siqnalı yoxlanılan zaman oranın qapısının sındırıldığı müəyyən edilib.
Polis əməkdaşları hadisə yerinə daxil olan zaman əlində kəsici alət olan bir nəfəri mağazadan oğurluq etmək istəyən zaman saxlamağa nail olublar. Ərazi üzrə Nəsimi RPİ-nin 19-cu Polis Şöbəsinə aparılan həmin şəxsin yetkinlik yaşına çatmayan S.P. olduğu müəyyən edilib.
Ətrafında aparılan əlavə əməliyyat tədbirləri ilə onun Nəsimi rayonunda müxtəlif vaxtlarda bir avtomobildən, dərzi sexi, gözəllik salonu və daha bir mağazadan pul, həmçinin, mobil telefonlar oğurladığı müəyyən edilib.
Faktlarla bağlı araşdırmalar davam etdirilir.
Bakıda mağazadan oğurluq - 17 min manatlıq
20 yeniyetmə qəlyan çəkdiyi üçün saxlanılıb
Avtomobildən 20 min dollar oğurlayan şəxs saxlanıldı
Bakıda aptekdən oğurluq edənlər tutuldu - FOTO
Bakıda qadının çanta oğurluğu
