Azərbaycan Respublikası Müdafiə Nazirliyinin Mətbuat Xidmətinin rəisi polkovnik Vaqif Dərgahlı hazırda bütün cəbhə boyu əməliyyat və hərbi üstünlüyün ordumuzun tərəfində olduğunu bildirib.
Korrupsiya-q.az Müdafiə Nazirliyinə istinadən xəbər verir ki, V.Dərgahlı Ermənistan Müdafiə Nazirliyinin nümayəndəsinin Ordumuzun guya 200 nəfərdən artıq canlı qüvvə itirməsi barədə yaydığı məlumatın yalan olduğunu, heç bir əsası olmadığını vurğulayıb.
V.Dərgahlı qeyd edib ki, bu, növbəti dezinformasiyadır.
"Bildiririk ki, Ermənistan ordusu döyüşlərdə canlı qüvvə və hərbi texnika baxımından ağır itkilər verərək geri çəkilməyə məcbur edilir. İşğal altında olan torpaqlarımız azad olunur. Bu, danılmaz bir faktdır.
Hazırda bütün cəbhə boyu, o cümlədən cəbhənin Cəbrayıl-Füzuli istiqamətində əməliyyat və hərbi üstünlüyümüz davam edir.
Ermənistan ordusunun fəlakətdən qurtulmasının yeganə yolu işğal olunmuş torpaqlarımızdan dərhal çıxmasıdır", - deyə V.Dərgahlı vurğulayıb.
“Azərbaycana məxsus 13 PUA-nın vurulması xəbəri yalandır” – Vaqif Dərgahlı
Müdafiə Nazirliyi: “Azərbaycan tankı vurulmayıb”
MN: Düşmənin 1 tankı, 10 nəfərədək şəxsi heyəti məhv edilib – VİDEO
Ermənistan ordusunun alay komandiri ağır yaralanıb - FOTO
MN: “Ordumuzun Füzuli şəhərinin işğal altından azad olunması istiqamətində hücumu davam edir”
