Qarabağ döyüşçüsü vəfat etdi

Qarabağ döyüşlərinin ilk könüllülərindən Eynulla Hüseynov dünyasını dəyişib.
Bu barədə məlumatı döyüşçünün dostu, jurnalist Elnur Eltürk verib.
“Dünən Qarabağ döyüşlərinin iştirakçısı,dostum Xanoğlan Heydərov məlumatı mənə verəndə çox pis oldum. Onu tanıyanda 16 yaşım var idi. Eynulla vətənpərvər insan idi. 22 yaşında döyüşlərə atılmışdı. Döyüş yolundan çox danışmazdı. Çox mərd və təvəzökar insan idi.
Ağdərə,Füzuli,Laçın istiqamətlərində ağır döyüş yolu keçmişdi. İlk və sonuncu komandiri Azərbaycanın Milli Qəhrəmanı,polkovnik mərhum Eldar Ağayev olmuşdur. Həmişə ondan çox danışardı. Müharibədən aldığı zərbələr öz işini gördü. Çox heyif ki, belə oğullarımızı tez itiririk”.
Qeyd edək ki,mərhum Göyçay rayonunda dəfn edilib.